• Français
  • Occitan

VAE : Titre de “Formator Professional d’Adultes”

La VAE : un autre biais de faire reconéisser son experiéncia e sas competéncias

Beneficiatz d’una experiéncia significativa d’una annada al mens dins la formacion professionala, e desiratz obténer un titre professional

Valorizatz vòstra experiéncia e passatz per la casa VAE per obténer lo titre de «Formator Professional d’Adultes» amb lo CFPO − Région Occitanie

Dispositiu d’acompanhament al Titre Professional de «Formator Professsional d’Adultes» del CFPO − Région Occitanie

L’acompanhament dels / de las candidat(a)s es pas obligatòri, mas ajuda a la capitada dels percorses.

En aquel titre, lo CFPO − Région Occitanie s’engatja :

A
porgir una informacion clara sul dispositiu de certificacion
conformament a l’encastre de l’arrestat del 09 de mars de
2006 :

  • Ofrir als candidats de
    condicions d’acuèlh e de trabalh adaptadas,

  • Metre a disposicion dels / de
    las candidat(a)s de ressorças documentàrias
    en ligason amb lo titre, e notadament lo Referencial de
    l’Emplec de las activitats et de las Competéncias (REAC), e
    lo Referencial de Certificacion (RC), e de porgir d’elements
    estadistics de la Region Occitania (Sorças DARES, Pòl
    Emplec, CARIF OREF),

  • Prepausar de delais
    d’espèr e de duradas en coeréncia amb los besonhs
    e contrenchas del / de la candidat(a),

  • Garantir la
    qualitat del servici (lo CFPO − Région Occitanie es labelisat
    Certif ‘Région e DATADOCK, pròva bèla de la qualitat de sas
    prestacions)

  • Prene en compte las remarcas
    dels / de las candidat(a)s

  • Lo CFPO − Région Occitanie
    s’engatja a garantir la
    confidencialitat de las informacions que li son transmesas (etica).

Las etapas de la demarcha VAE :

1)
Lo CFPO − Région Occitanie informa los /
las candidat(a)s de las diferentas etapas del percors que mena a la
certificacion
del titre FPA, de
mercé la VAE dins l’encastre de sesilhas tengudas a l’ALE o
dins los locals del CFPO – Région Occitanie.

Lo
CFPO − Région Occitanie informa los
/ las candidat(a)s de las modalitats del dispositiu de
certificacion del titre FPA.

2)
Lo / la candidat(a) engatja la
demarcha
VAE (la demarcha VAE es una demarcha individuala)
pr’amor d’obténer de la DIRECCTE
l’adoptabilitat de sa demanda, fa acte de candidatura,
formaliza sa demanda e
progís los documents
que pròvan
d’una annada de practica professionala en ligam amb lo titre FPA
(libròt 1)

A
la seguida de l’avís d’adoptabilitat
prononciat per la DIRECCTE, lo CFPO − Région Occitanie respondrà
a la demanda d’acompanhament dins los 30 jorns, e marcarà
lo/la candidat(a) a una sesilha de validacion dins los 12 meses.

L’avís
favorable d’adoptabilitat
adreçat al/a la candidat(a) per la DIRECCTE es acompanhat del DSPP
(libròt 2) que
i consignarà la
descripcion de sa practica professionala.

3)
Lo / la candidat(a) se prepara
a la sesilha de
validacion,
realiza
un trabalh de presentacion de sa practica professionala e pren
coneissença de las
modalitats de l’avaloracion, de l’organizacion del platèu tecnic
d’avaloracion, e de las espèras de la jurada.

4)
Los / las candidat(a)s fan avalorar lors
competéncias pendent una sesilha d’avaloracion
; segon lo
resultat, la demarcha VAE s’acaba en dins lo
cas d’obtencion del titre.

L’activitat
d’acompanhament es contractualizada entre lo candidat e lo servici
d’acompanhament del CFPO − Région Occitanie. A la
seguida d’una primièra sesilha collectiva d’informacions,
lo CFPO − Région Occitanie
prepausa
als / a las candidat(a)s d’identificar
las situacions professionalas viscudas a reténer,
en coeréncia amb lo REAC del titre FPA.

Lo CFPO − Région Occitanie ajuda lo beneficiari a identificar sos aquesits , sas caracteristicas personalas e professionalas sota una forma d’emplegabilitat pel mercat del trabalh.

Lo servici d’acompanhament del CFPO − Région Occitanie, contengut de la prestacion :

Deontologia
de la practica

La
mission que se dona lo CFPO − Région Occitanie es dobla, e fondada
sus un principi d’etica professionala. Aqueste distinguís
fondamentalament sa qualitat d’organizator de certificacion
(planificacion de las sesilhas del titre, organizacion dels platèus
tecnics, e constitucion de las juradas), de son projècte pedagogic
d’acompanhar los candidats a la VAE.

L’acompanhator
del CFPO − Région Occitanie es fondamentalament dins una relacion
d’ajuda e de guida.

Tèrç
benvolent ; escota, ajuda a tornar formular, jutja pas e instaura
un dialòg formatiu amb lo candidat, pr’amor de l’ajudar melhor
a instruire son dorsièr.

La
postura de l’acompanhator CFPO − Région Occitanie es diferenta
de la d’un formator, d’un avalorator, d’un instructor, d’un
traductor (sol lo/la candidat(a) redigís son dorsièr)
o d’un terapeuta.

L’acompanhator
acculhís e trabalha amb totes los candidats sens discriminacion de
quina natura que siá ;

Intègra
l’ensemble
de las constrenchas
dels candidats (temps, distància, familha, santat) per bastir de
modalitats d’acompanhament especificas e adaptadas a la demanda
dels candidats.

D’en
primièr lo servici d’acompanhament del CFPO – Région Occitanie
definís, amb lo / la candidat(a), lo debanament del servici en
foncion de sos besonhs e disponibilitats, e planifican mutualament lo
planejament dels entretens.

L’acompanhament
del CFPO − Région Occitanie, permet al / a la candidat(a) :

  • De tornar visitar son passat professional, collectar e listar sas experiéncias las mai representativas de las activitats menadas dins l’emplec de Formator Professional d’Adultes en rapòrt amb lo REAC
  • De descruire son activitat, d’analisar las especificitats de las situacions de trabalh rescontradas e d’entre-senhar los anèxes 1 e 2 de son DSPP en prenent de la distància amb sas diferentas experiéncias.
  • De s’apropriar las modalitats d’avaloracion.
  • De gerir al mièlhslo contraste entre son experiéncia e las exigéncias del titre.
  • De realisar de mesas en situacion, espròvas de sintèsi, entreten final jurada.
  • De gerir las dificultats que sortisson al fial de l’acompanhament.

Modalitats e debanament de l’accion d’acomaphament

En presencial, l’objectiu de l’acompanhament es presentat als /a las candidat(a)s.

Serà presentat als / a las candidat(a)s un contracte d’acompanhament regularizat d’empereles.

L’acompanhament poirà començar tre la recepcion de la notificacion d’adoptabilitat.

Per judar lo candidat a se
preparar a la mesa en situacion professionala reconstituida, a la
redaccion del DSPP, e a l’entreten oral amb la jurada.

Tre que possible, lo CFPO − Région Occitanie causirà, per principi, de formats d’acompanhament alternant presencial en pichòt grop e entretens individuals ; l’estrategia pedagogica del CFPO − Région Occitanie es de favorizar per cada candidat(a) una co-bastison, un alargament de sas coneissenças/mestièr en los confrontant a las representacions dels autres.

En alternància, los entretens individuals permeton de verificar que l’ensemble dels apòrts metodologics de presentacion seràn plan integrats pel / per la candidat(a), que la causida de las situacions raportadas per el(ela) serà pertinenta, e que de la redaccion dels annèxes ne sortirà un document fisèl, clar e estructurat.

Durada e format d’acompanhament

Tres possibilitats segond vòstres besonhs e/o vòstre perfil : Acompanhament basic (en 14h00) – reperatge de las competéncias + ajuda a la redaccion del dorsièr de validacion Moduls 1 (2h) + 2 (12h)

Acompanhament + (en 17h30) acompanhament basic + examèn blanc + pistas de melhoranças Moduls 1 (2h) + 2 (12h) + 3 (3,5h)

Acompanhament complet(en 21h00) acompanhament basic + examèn blanc + remediacions Moduls 1 (2h) + 2 (12h) + 3 (7h)

Las mesas en situacion integraràn las constrenchas de durada d’espròva previstas per l’encastre de la reglamentacion.

Lo
positiu :

100 % de nòstres estagiaris
diplomats.

L’acompanhament del CFPO – Région Occitanie favorizarà :

La mai granda soplesa de calendièr

La comunicacion entre lo formator referent e l’acompanhat(da)

Lo format grop en presencial per beneficiar de l’interaccion de sas compausantas

Acompagnament eligible al CPF

alignment=”right” border_color=”grey” img_link_large=”” img_link_target=”_self” img_size=”full”]
Facebooktwitterredditpinterestlinkedinmail
2