Tecnician d’Acuèlh Toristic opcion Acompanhament

Lo (la) tecnician(a) d’’acuèlh toristic acompanhator(tritz)-animator(tritz) s’’intègra dins la mesa en òbra de la prestacion toristica ; es portaire(aira) de la maivalença subjectiva de la prestacion : qualitat de l’acuèlh, ambient del site, convivialitat de la relacion.

Confòrta la valor objectiva, intrinsèca e mesurabla del produch toristic : confòrt de l’albergament, condicions generalas d’acuèlh, riquesa d’un circuit toristic.
Las activitats claus de l’’emplec son :
. lo conselh
. l’’animacion e l’’acompanhament de visitas, excursions o circuits
L’’emplec es en relacion dirècta amb lo visitaire o lo client, e necessita una organisacion prealabla importanta.

Objectiu de la formacion :
Aquesir las coneissenças , competenças e metòdes de trabalh indispensables a l’’exercici del mestièr de Tecnician d’’Acuèlh en estructura de torisme e de lésers, en club de vacanças, ostalariá alendada, en ofici de torisme, sindicat d’’iniciativa…

Publics tocats e pre-requesits :
Demandaire d’’emplec amb un nivèl V o IV que t’en un bon nivèl de cultura generala, un bon nivèl en anglés e qu’a un projècte professional ligat als mestièrs del torisme, un sentit del contacte e de relacion desvolopat, bona presentacion e bona elocucion, mobilitat geografica e disponibilitat, e qu’accepta de trabalhar a d’oraris diferents, dimenjadas e jorns feriats.

Programa :

• Coneissença del mestièr e de l’’environament professional
• La geografia toristica regionala, l’istòria e lo patrimòni regional, l’’occitan legendari, la toponimia e la gastronomia
• Tecnicas d’’acuèlh, d’’acompanhament de grop e de creacion de circuit
• Comunicacion escrita e orala
• Informatica, burotica, tecnicas e aisinas d’’administracion e de gestion comerciala dels sejorns e de las prestacions (logicials UNICAMP e son evolucion ESEASON)
• Lenga occitana modèrna dialècte lengadocian
• Perfeccionament en anglés corrent e professional
• Comunicar en alemand (nivèl de subrevida)

Volum orari :

• 616 oras en centre
• 224 oras en entrepresa d’’acuèlh de visitaires

Validacion de la formacion :

• Certificacion A1 del CECRL en lenga occitana-lengadocian
• Títol « Tecnician d’’Acuèlh Toristic opcion Acompanhament » (títol RNCP de nivèl IV