• Français
  • Occitan

Lo Centre de Formacion Professionala Occitan

Tal coma una Associacion lei 1901, lo Centre de Formacion Professionala Occitan – Région Occitanie forma, dempuèi mai de 20 ans, a la lenga occitana, totas las personas que o desiran, de mercé a de corses setmanièrs e d’estagis de lenga.

Dempuèi 1997, las formacions del CFPO – Région Occitanie son reconegudas per la Region OCCITANIA dins l’encastre de sos programas regionals de formacion per demandaires d’emplec (Qualif Pro, ERI, Projet Pro). Dempuèi 1997, propausam, amb lo Ministèri de l’Educacion Nacionala d’accions de formacion continua per regents titulars de las escòlas Calandretas. Lo Centre de Formacion Professionala Occitan  – Région Occitnaie es a vòstra escota per qualque siá lo besonh de formacion de vòstres salariats dins l’encastre del comjat individual de formacion per una reconversion professionala o dins l’encastre del plan de formacion.

Un Centre de formacion Professionala Occitan per formar a la lenga occitana

La tòca primièra de l’associacion es la formacion a la lenga occitana per las personas que o desiran, de mercé a d’estagis e de corses setmanièrs dins cada luòc nescessari. D’autre latz, lo CFPO – Région Occitanie es tanben un actor de la lenga e de la cultura occitanas dins l’environament de las formacions professionalas propausadas als adultes.
Associacion de lei 1901, creada en 1994, amb un efectiu salariat de 8 personas, lo CFPO – Région Occitanie, Centre de Formacion Professionala Occitan – Région Occitanie vòl transmetre e difusar la lenga e la cultura occitanas dins la vila de Besièrs, e mai largament dins la Region Occitania.

Desvolopar l’apropriacion de la cultura e la lenga occitanas

L’objectiu principal es de desvolopar l’apropriacion de la lenga e la cultura occitanas en tot organizant de corses, d’estagis e d’accions culturalas. En mai, obram dempuèi mantuna annada per de publics qu’an de dificultats d’insercion professionala, en metent en plaça d’accions de formacion dins lo parçan d’emplec besierenc. Dempuèi 2008 trabalham en partenariat amb los ostals de quartièr, Passerelle Insercion, las Missions Localas d’Insercion, los Pòl Emplec per fin d’acompanhar las personas en dificultat e de las orientar cap a un programa qualificant e/o cap a l’emplec.
Lo Centre de Formacion Professionala Occitan – Région Occitanie es enregistrat a la Prefectura de Montpelhièr coma Organisme de Formacion reconegut jol còde OF 91340275334. Aquesta abilitacion permet que las formacions pòscan obténer de finançaments dins l’encastre de la formacion continua (Comjat Individual de Formacion, Plan de Formacion…) de part dels OPCO (OPerators de COmpeténcia).
Dempuèi 2002, gràcia a la mesa en plaça del «Diplòma A2-Escapolaire», sol diplòma de primièr gras en lenga e cultura occitanas (nivèl A2 segon lo CECRL del Conselh d’Euròpa), lo CFPO – Région Occitnaie a inicializat la reconeissença dels aprendissatges de lenga e cultura occitanas.

La Carta pedagogica del Centre de Formacion Professionala Occitan – Région Occitanie

Lo Centre de Formacion Professionala Occitan – Région Occitanie utiliza la pedagogia activa, l’immersion lenguistica en occitan aital coma la dinamica de grop que favoriza l’aquisicion de coneissenças e de capacitats.
Dempuèi sa creacion, son seti social es : 7 carrièra Franklin 34500 Besièrs

Los responsables e presentacion de lor foncion

Delphine Krajewski

Dalfina KRAJEWSKI
Presidenta

Jean-Louis BLENET

Joan-Loís BLENET
Vice-president

Christophe LEBEGUE

Cristòl LEBEGUE
Clavaire

Philippe HAMMEL

Felip HAMMEL
Secretari

centre formacion occitan
Facebooktwittergoogle_plusredditpinterestlinkedinmail
2