• Français
  • Occitan

Formator en lenga e cultura occitana o catalana

Lo/la formator/tritz professional/ala d’adultes en lenga-cultura occitana o catalana trabalha generalament dins d’organismes de formacion publics e/o privats practiquant dins lo domeni de la qualificacion e/o l’insercion.
El/ela carga la plena e entièra responsabilitat sus l’activitat : « Preparar e animar d’accions de formacion »
Pòt èsser en responsabilitat plena e entièra o partejada segon los contèxtes de trabalh sus l’activitat : « Contribuir a l’elaboracion de dispositius e acompanhar de percors de formacion ».

Contèxte de nòstra formacion de formator en lenga-cultura occitana o catalan :

Nòstra formacion de formator en lenga-cultura occitana o catalana, per la varietat dels metòdes pedagogics innovants propausats, vos permetrà d’aquesir d’una part lo saber-faire del formator e d’autra part un nivèl B2 o mai C1 en lenga occitana o catalana.

Los metòdes utilizats se cargan de balhar als futurs formators una trama de totas las etapas operacionalas d’una formacion : recuelh de l’informacion, concepcion e animacion de la formacion, regulacion de grop en formacion fins al bilan de la formacion. Prestam una atencion particulara a èsser concret per un maximum d’eficacitat. Aital, a l’ora dels « Estagis PARLAR », ajudam los estagiaris per prene en carga, en binòm puèi sol, de talhièrs (cants, jòc de ròtle, descobèrta del patrimòni e de la cultura), de sesilhas (gramatica, conjugason, vocabulari) per acabar la presa en carga d’un estagi complet del recuelh dels besonhs al bilan d’aqueste, totjorn amb l’ajuda de nòstra còla pedagogica e dels « Paissèls » que indican en fin d’estagi los ponches positius o negatius de lor metòde de formacion.

Objectius de la formacion :

  • Menar los estagiaris formators del nivèl basic Escapolaire-A2 del CECRL, al nivèl C1

  • Conéisser l’istòria de la lenga occitana o de la lenga catalana

  • Conéisser los traches diferents de la cultura occitana o catalana

  • Mestrejar l’essencial de la didactica de la lenga e la progression generala destinada als adultes

  • Conéisser las règlas budgetàrias, los metòdes d’organizacion e de comunicacion de la formacion per adultes

  • Èsser capable de concebre, preparar, animar un dispositiu e una sequéncia de formacion en foncion d’un quasèrn de cargas definit

  • Èsser capable de participar a la redaccion del quasèrn de cargas d’accions de formacion en lenga e cultura occitana o catalana

Tipe d’ensenhamentEn centre (formacion en presencial)
LuòcDins nòstre centre de BESIÈRS
Ostal de la Vida Associtiva
2 carrièra Joana Jugan
34500 BESIÈRS
2nd estanci – escalièr C
DuradaData de debuta : 29/08/2019 – Date de fin : 30/06/2020
En centre : 1 155 h
En entrepresa : 266 h
TOTAL : 1421 h
Public AdmissibleDemandaire d’Emplec obligatoriament marcarts a Pòl Emplec e orientats per un prescriptors del Conselh Regional (CIDFF, Cap Emploi, Conseillers d’Insertion des Conseils Départementaux (P.L.I.E….), MLI, Pôle Emploi, APEC)
Salariats en reconversion (via lo CPF de transicion)
Pre requesits a l’intrada en formacionPublic que ten un diplòma de nivèl IV (Bachilierat)
e qu’a un nivèl A2 en lenga regionala (occitan o catalan).
Una experiéncia professionala (quitament corteta) dins lo domèni seriá un mai.
Modalitats de recrutamentAprèp acceptacion de la candidatura per un prescriptor de la ret AIO de la Region Occitania (prescripcion) : lo candidat es convidat per un acamp collectiu d’informacion, pendent aquel acamp li son explicats lo debanament de la formacion, los pre-requesits…. Si se revela qu’aquel es interessat per la formacion, l’acamp se perseguís amb :
- de Tèsts d’orientacion en linha,
- de Tèsts de posicionament escriches en occitan o en catalan
- Entretens individuals personalizats amb las còlas pedagogica e/o associativa : avaloracion del nivèl de motivacion dels candidats e de lor nivèl de lenga occitana o catalana e determinacion del projècte professional de cada candidat.
Validacion de la formacionCertificacions de nivèl B2 e/o C1 del QECRL en lenga occitana o catalana
e/o
Titre « Formator Per Adultes »
Emplegabilitat a la fin de al formacionDins d’organismes de formacion privats o publics, dins d’establiments Calandreta, dins d’estructuras de promocion de la lenga e de la cultura occitanas o catalanas, coma formator independent o salariat, vacatari o en CDD/CDI...
Effectiu maximal8 estagiaris
Finançament de la formacionSalariats : la formacion pòt èsser finançada demercé lo CPF de transicion

Demandaires d’Emplec : Formacion financada per la Region Occitania dins lo quadre del Programa QUALIF PRO
Certificacions de l’organisme

Programa :

  • Periòde d’integracion, diagnostic, TRE/TRS

  • Formacion en lenga e cultura occitanas o catalanas : del nivèl A0 (revisions) al nivèl B2 veire C1 del QECRL

  • Formacion en lenga e cultura occitanas ou catalanas : Elements de la cultura occitana o catalana

  • La concepcion d’intervencions pedagogicas en formacion continua: didactica de la lenga occitana o catalana – Didactica de l’immersion.

  • La gestion administrativa de la formacion

  • L’environament de la formacion professionala continua : la demarcha qualitat en formacion professionala continua.

  • Los enjòcs del numeric – Etic e juridic del numeric

  • Los enjòcs del numeric : Aprendissatge de l’utilizacion del numeric : Objectiu B2I.

  • Desvolopament Durable

  • Egalitat òmes / femnas

  • Comprene e analisar una demanda de formacion e un quasèrn de las cargas en integrant las aisinas numericas

  • Preparar e bastir una sequéncia de formacion en inclusent las aisinas numericas

  • CCP 1 : Animar una còla en formacion en inclusent las aisinas numericas. Gerir una còla e desvolopar sa postura professionala. Avalorar los aquesits – avalorar la formacion. Mestrejar las tipologias e las tecnicas d’avaloracion dins l’environament del numeric. Diversificar sas practicas pedagogicas per l’usatge d’aisinas numericas, assegurar una velha reglamentària. Agir e s’adaptar : metodologia de la gestion de projècte (dont projècte numeric)

  • CCP 2 : Analysar sas practicas professionalas e adoptar una postura avisada. Concèbre e metre en òbra d’aisinas que permeton l’individualizacion dels aprendissatges en utilizant las tecnologias numericas. Mobilizar las aisinas numericas dins sas practicas pedagogicas. Acompanhar los apreneires dins la consolidacion de lor projècte professional. Remediar a las dificultats d’aprendissatge

  • Preparacion a las espròvas – Espròvas blancas e passatge de las espròvas

  • Periòd en entrepresa

Lo +

Obtenètz un diplòma de nivèl Bachilierat + 2 reconegut per l’Estat

 

Referencial de la formacion

 

Formator en lenga-cultura occitana o catalana
Facebooktwittergoogle_plusredditpinterestlinkedinmail
2