• Français
  • Occitan

Formator en lenga e cultura occitana o catalana

Lo/la formator/tritz professional/ala d’’adultes en lenga-cultura occitana o catalana trabalha generalament dins d’organismes de formacion publics e/o privats practiquant dins lo domeni de la qualificacion e/o l’’insercion.
El/ela carga la plena e entièra responsabilitat sus l’’activitat : « Preparar e animar d’accions de formacion »
Pòt èsser en responsabilitat plena e entièra o partejada segon los contèxtes de trabalh sus l’’activitat : « Contribuir a l’’elaboracion de dispositius e accompanhar de percors de formacion ».

Nòstra formacion de formators en lenga-cultura occitana o catalana, per la varietat dels metòdes pedagogics innovants propausats, vos permetrà d’’aquesir d’’una part lo saber-faire de formators e d’’autra part un nivèl B2 o mai C1 en lenga occitana o catalana.
Los metòdes utilizats se cargan de balhar als futurs formators una trama de totas las etapas operacionalas d’’una formacion : recuèlh de l’informacion, concepcion e animacion de la formacion, regulacion de grop en formacion fins al bilan de la formacion. Prestam una atencion particulara a èsser concret per un maximum d’’eficacitat. Aital, a l’ora dels « Estagis PARLAR », ajudam los estagiaris per prene en carga, en binòm puèi sol, de talhièrs (cants, jòc de ròtle, decobèrta del patrimòni e de la cultura…), de corses (gramatica, conjugason, vocabulari…)…per acabar la presa en carga d’’un estagi complet del recuèlh dels besonhs… al bilan d’aqueste, totjorn amb l’’ajuda de nòstra còla pedagogica e dels « Paissèls » que indican en fin d’’estagi los ponches positius o negatius de lor metòde de formacion.

Objectius de la formacion de Formator en lenga e cultura occitana o catalana :

  • Menar los estagiaris formators del nivèl basic Escapolaire-A2 del CECRL, al nivèl C1
  • Conéisser l’’istòria de la lenga occitana o de la lenga catalana
  • Conéisser los traches diferents de la cultura occitana o catalana
  • Mestrejar l’’essencial de la didactica de la lenga e la progression generala destinada als adultes
  • Conéisser las règlas budgetàrias, los metòdes d’’organizacion e de comunicacion de la formacion per adultes
  • Èsser capable de concebre, preparar, animar un dispositiu e una sequéncia de formacion en foncion d’’un quasèrn de cargas definit
  • Èsser capable de participar a la redaccion del quasèrn de cargas d’’accions de formacion en lenga e cultura occitana o catalana

Public tocat e pre-requesits :

Demandaire d’emplec que ten un diplòma de nivèl IV, obligatòriament marcat a Pòl Emplec e orientat per un prescriptor de la Region Occitania (CIDFF, Cap Emplec, MLI, Pòl Emplec, Conselhièr d’Insercion dels Conselhs depatamentals (P.L.I.E…), APEC), public en reconversion (CIF) que ten un nivèl A2 en lenga regionala (occitan o catalan).

Programa :

  • Formacion en lenga e cultura occitanas o catalanas
  • L’’environament de la formacion professionala continua
  • La coordinacion pedagogica
  • La concepcion d’’intervencions pedagogicas en formacion continua
  • L’’animacion de grops en formacion
  • L’’individualizacion de la formacion
  • De l’’ingenhariá de la formacion a l’’ingenhariá pedagogica
  • La gestion de projècte
  • Seguit e acompanhament dels formators estagiaris e preparacion d’’un dorsièr professional

Debanament de la formacion ; durada, ritmes e finançament :

La formacion compren 1218 oras en centre e 203 oras en entrepresa. Aquesta formacion – a temps complet, 35 oras per setmana – se debanarà del 29 d’agost de 2018 al 28 de junh de 2019 dins los locals de l’’Ostal de la Vida Associativa a Besièrs. Aquesta accion de formacion, realizada dins l’’encastre del Programa Regional Qualificant, es finançat per la Region Occitania per un efectiu maximum de 8 estagiaris. D’’autres estagiaris se pòdon jónher a aquesta formacion dins l’’encastre d’’un CIF.

Validacion de la formacion :

  • Certificacion B2 e/o C1 del CECRL en lenga occitana-lengadocian o catalan
  • e/o Títol « Formator per Adultes »

Referencial de la formacion : programa-formacion-de-formators-2017-2018

Formator en lenga-cultura occitana o catalana
Facebooktwittergoogle_plusredditpinterestlinkedinmail
2