• Français
  • Occitan

Intervenent-a pedagogic-a plurilingua

Parlatz una lenga regionala o estrangièra e vos sentissètz la vocacion de la trasmetre ? Vos agrada trabalhar en còla ? Sètz geograficament mobil ?

Venètz « Intervenent-a pedagogic-a plurilingua » dins la ret dels establiments bilingües immersius… Ajudaretz los aprenents dins lor aprendissatge de la lenga regionala o estrangièra, metretz en òbra la pedagogia del despèrt per las lengas e la comparason de las lengas, trasmetretz la lenga e la cultura regionalas o estrangièras e metretz en òbra la pedagogia institucionala en organizant la vida de grop coma mitan de lengatge.

Qual formar ?

Lo mond titular d’un nivèl BAC + 2 (minimum) que practican una lenga regionala o estrangièra e que desiran de la transmetre.

Cossí dintrar en formacion d’ « Intervenent-a pedagogic-a plurilingua » ? Cossí se debana la formacion ?

L’examen de dintrada se sona « La Jurada » . Los candidats acceptats a la « Jurada » al mes de junh, pel CFPO – Région Occitanie, entamenon tre la dintrada lor formacion d’ « Intervenent-a pedagogic-a plurilingua ».

Los futurs Intervenent-as pedagogic-as plurilingua o « Calandrin-as » participan a 10 estagis teorics a Besièrs e a 30 setmanas d’estagis de practicas professionalas enquadradas per un-a professional-a confirmat-da.

Objectius de la formation :

  • S’exprimir correntament en lenga regionala o estrangièra a l’escrich coma a l’oral (nivèl B2 o C1),

  • Transmetre la lenga e los traches principals de la cultura regionala o estrangièra,

  • Concebre e animar de situacions d’aprendissatge que prenon en compte la diversitat dels aprenents,

  • Mestrejar los sabers disciplinaris e lor didactica,

  • Faire partejar las valors de la Republica,

  • Integrar los elements de la cultura numerica dins sa practica,

  • Metre en òbra l’immersion dins la còla,

  • Metre en òbra la pedagogia del despèrt per las lengas e la comparason de las lengas.

Tipe d’ensenhamentEn centre
+ 29 % a 30 % de la formacion en FAD
LuòcDins nòstre centre de BESIÈRS
Ostal de la Vida Associativa
2 Carrièra Joana Jugan
34500 BESIÈRS
2nd estanci – escalièr C
DuradaData de debuta : 09/09/2019 – Data de fin : 26/06/2020
En centre : 777 h
En entrepresa : 588 h
TOTAL : 1 365 h
Public Admissible- Demandaire d’Emplec obligatòriament marcarts a Pòl Emplec e orientats per un prescriptor del Conselh Regional (CIDFF, Cap Emploi, Conseillers d’Insertion des Conseils Départementaux (P.L.I.E….), MLI, Pôle Emploi, APEC)
- Salariats en reconversion (via lo CPF de transicion)
Pre requesits a l’intrada en formacion- Demandaire d’Emplec obligatòriament marcarts a Pòl Emplec e orientats per un prescriptor del Conselh Regional (CIDFF, Cap Emploi, Conseillers d’Insertion des Conseils Départementaux (P.L.I.E….), MLI, Pôle Emploi, APEC)
- Salariats en reconversion (via lo CPF de transicion)
Modalitats de recrutamentAprèp acceptacion d’un dels prescriptors de la ret AIO de la Region Occitania (prescripcion) :
- Acamp Collectiu d’informacions dins lo qual son expausats : lo debanament de la formacion, sos pre-requesits...
- Entreten personalizat (rencontre amb los diferents actors de la ret Calandreta, amb lo director pedagogic del Centre de Formacion, evocacion del projècte professional de cada candidat). Tòca de l’entreten : estimar lo grade d’implicacion de cada candidat dins la lenga occitana.
- A la fin de l’entreten, los representants de Calandreta en partenariat estrech amb lo director pedagogic del CFPO – Région Occitanie decidiràn, se cal, de perseguir amb la convocacion a la partida escricha de la « Jurada ».
- Los candidats qu’an satifach a l’entreten seràn puèi convocats a una jornada pendent la quala produsiràn d’escriches a partir de subjèctes balhats dins 4 domènis : occitan, pensada, matematicas e francés (examen d’entrada nomenat « Jurada »).
- Segon las resultas de la « Jurada », la comission de decision rendrà publica, una setmana après, la tièra dels estagiaris admeses en formacion per la dintrada seguenta.
Validacion de la formacionCertificacions de nivèl B2 puèi C1 del QECRL en lenga occitana o catalana
e/o
Atestacion de reconeissença dels aquesits
Emplegabilitat a la fin de la formacion« Regents » en delegacion d’auxiliar dins un establiment Calandreta o « Regent remplaçant » amb possibilitat de titularizacion aprèp lo concors del CRPE especial.
Efectiu maximal10 estagiaris
Finançament de la formacionSalariats : la formacion pòt èsser finançada demercé lo CPF de transicion

Demandaires d’Emplec : Formacion finançada per la Region Occitania dins lo quadre del Programa QUALIF PRO

Certificacions de l’organisme

Programa

  • Formacion en lenga e cultura Regionalas o estrangièras nivèl 4 (autonòm) – B2 del CECRL.
    Lo contengut es axat sus las quatre competéncias linguisticas : escotar, parlar, legir e escriure e serà adaptat en foncion dels besonhs dels estagiaris.

    Escotar : diverses supòrts dont conferéncias, argumentaris (aprèp una preparacion destinada a familiarisar l’estagiari amb los camps lexicals concernits).

    – Legir : Lectura de premsa, articles diverses sus de questions actualas e tèxtes literaris contemporanèus.

    – Parlar : Trabalh de l’oralitat en particulièr l’argumentacion, entraïnament a l’espontantat, jòcs de ròtle…

    Escriure : Redaccion de tèxtes de tipe variat (informatius, argumentatius, expressius…)

  • CCP 1 : Èsser actor e metre en òbra lo projècte pedagogic de l’estructura:

    – Concebre e animar de situacions d’aprendissatge en prenent en compte la diversitat dels apreneires

    – Mestrejar los sabers disciplinaris e lor didactica.

    – Faire partejar las valors de la republica.

    – Integrar los elements de la cultura numerica dins sa practica.

  • CCP 2 : Metre en òbra l’immersion lingüistica :

    – Metre en òbra l’immersion dins una còla

    – Metre en òbra la pedagogia del desvelh per las lengas e la comparason de las lengas

  • CCP 3 : Transmetre la lenga e la culture regionalas o estrangièras :
    – Mobilizar la lenga regionala o estrangièra dins sa practica professionala
    – Transmetre la lenga e la cultur regionalas o estrangièras en cada luòc e amb totes los actors

  • CCP 4 : Metre en òbra la pedagogia institutionala :
    – Organizar la vida de grop coma un mitan de lengatge.

    – Cooperar amb totes los actors.

    – Manténer son nivèl d’expertisas e de performàncias coma «Intervenent-a pedagogic-a pulirilingua.

  • Ciutadanetat activa e desvolopament durable
    – PSC 1
    – Desvolopament durable
    – Conselhs setmanièrs
    – Egalitat òmes-femnas

  • Acompanhament dels estagiaris dins la definicion e la mesa en òbra de lor projècte professional
    – Identificar los mestièrs e los pòstes ciblats per la formacion.
    – Identificar sos atots e sas dificultats.
    – Validar son projècte professional.
    – Elaborar una estrategia de recèrca d’emplec.
    – S’apropriar las TRE.
    – Conéisser lo mercat de l’emplec.
    – Elaborar un plan d’accion.
    – Metre en òbra un plan d’accion.

Lo +

Formacion e pedagogia individualizadas.

Una part d’ensenhament a distància : cadun pòt progressar a son ritme pròpri e segon sos besonhs especifics (lenga occitana, pedagogia…)

Aprèp validacion de la formacion : taus d’emplegabilitat de 100 %.

Futurs Regents de Calandretas
Facebooktwitterredditpinterestlinkedinmail
2