• Français
  • Occitan

Lo Centre de formacion Professionala Occitan

Tal coma una Associacion lei 1901, lo Centre de Formacion Professionala Occitan de Besièrs forma, dempuèi mai de 20 ans, a la lenga occitana, totas las personas que o desiran, de mercé a de corses setmanièrs e d’estagis de lenga.

Dempuèi 1997, las formacions del CFPO son reconegudas per la Region Lengadòc Rosselhon dins l’encastre de sos programas regionals de formacion per demandaires d’emplec (PRQ, ERI, Cap Mestièrs e Cap Avenidor). Dempuèi 1997, propausam, amb lo Ministèri de l’Educacion Nacionala d’accions de formacion continua per regents titulars de las escòlas Calandretas. Lo Centre de Formacion Professionala Occitan es a vòstra escota per qualque siá lo besonh de formacion de vòstres salariats dins l’encastre del comjat individual de formacion per una reconversion professionala o dins l’encastre del plan de formacion.

Un Centre de formacion Professionala Occitan per formar a la lenga occitana

La tòca primièra de l’associacion es la formacion a la lenga occitana per las personas que o desiran, de mercé a d’estagis e de corses setmanièrs dins cada luòc nescessari. D’autre latz, lo CFPO es tanben un actor de la lenga e de la cultura occitanas dins l’environament de las formacions professionalas propausadas als adultes.
Associacion de lei 1901, creada en 1994, amb un efectiu salariat de 8 personas, lo CFPO, Centre de Formacion Professionala Occitan vòl transmetre e difusar la lenga e la cultura occitanas dins la vila de Besièrs, e mai largament en Lengadòc

Desvolopar l’apropriacion de la cultura e la lenga occitanas

L’objectiu principal es de desvolopar l’apropriacion de la lenga e la cultura occitanas en tot organizant de corses, d’estagis e d’accions culturalas. En mai, obram dempuèi mantuna annada per de publics qu’an de dificultats d’insercion professionala, en metent en plaça d’accions de formacion dins lo parçan d’emplec besierenc. Dempuèi 2008 trabalham en partenariat amb los ostals de quartièr, Passerelle Insercion, Missions Localas d’Insercion, Pòl Emplec per fin d’acompanhar las personas en dificultat e de las orientar cap a un programa qualificant e/o cap a l’emplec.
Lo Centre de Formacion Professionala Occitan es enregistrat a la Prefectura de Montpelhièr coma Organisme de formacion reconegut jol còde OF 91340275334. Aquesta abilitacion permet que las formacions pòscan obténer de finançaments dins l’encastre de la formacion continua (Comjat Individual de Formacion, Plan de Formacion…) de part dels OPCA.
Dempuèi 2002, gràcia a la mesa en plaça del «Diplòma A2-Escapolaire», sol diplòma de primièr gras en lenga e cultura occitanas (nivèl A2 segon lo CECRL del Conselh d’Euròpa), lo CFPO a inicializat la reconeissença dels aprendissatges de lenga e cultura occitanas.

La Carta pedagogica del Centre de Formacion Professionala Occitan

Lo Centre de Formacion Professionala Occitan utiliza la pedagogia activa, l’immersion lenguistica en occitan aital coma la dinamica de grop que favoriza l’aquisicion de coneissenças e de capacitats.
Dempuèi sa creacion, son seti social es : 7 carrièra Franklin 34500 Besièrs

Los responsables e presentacion de lor foncion

Delphine Krajewski

Dalfina KRAJEWSKI
Présidente

Jean-Louis BLENET

Joan-Loís BLENET
Vice-président

Christophe LEBEGUE

Cristòl LEBEGUE
Trésorier

Philippe HAMMEL

Felip HAMMEL
Secrétaire

centre formacion occitan
Facebooktwittergoogle_plusredditpinterestlinkedinmail