• Français
  • Occitan

Professor d’escòlas

Encastre general

Dempuèi 1997, lo Centre de Formacion Professionala Occitan s’’encarga de la formacion continua dels Ensenhaires de las Escòlas immersivas Bressola, Calandreta, Diwan, Seaska e Zweisprachigkeit.

Lo Centre de Formacion Professionala Occitan (C.F.P.O), a la seguida d’una demanda de la Confederacion Occitana de las escòlas Calandretas e, d’’acòrdi amb las federacions d’’escòlas Bressola pel catalan, Diwan pel breton, Seaska pel bàscol e Zweisprachigkeit per l’’alsacian, es estat cargat de la formacion professionala continua dels ensenhaires dels establiments en contracte d’’associacion amb l’’Estat de totas las federacions aquelas.

Las accions de formacion continua porgidas pels ensenhaires se debanan en tot se conformar amb las disposicions de la convencion ministeriala del 20 de març de 1997 e mai las del libre IX del còde del trabalh. Per complir aquela mission, lo CFPO òbra en ligam e sota la tutela administrativa e financièra del ministèri de l’’Educacion Nacionala francesa.

Lo CFPO es Centre agregat pel ministèri de l’’Educacion Nacionala francesa e recep lo finançament de la formacion continua per totas las escòlas immersivas en lengas non oficialas de França a proporcion del nombre total d’’ensenhaires pagats per l’’Estat.

Per çò que concernís Calandreta, dins l’’encastre de sa mission de formacion continua, lo CFPO trabalha en partenariat sarrat amb :

  • la Confederacion Occitana de las Calandretas,
  • las Federacions Regionalas de las Calandretas,
  • l’’Establiment d’’Ensenhament Superior occitan APRENE e sos paissèls ajudaires,
  • los delegats confederals e federals de regents.

Lo CFPO desira de decentralizar la formacion continua al mai pròche de las escòlas, e volonta de daissar espelir l’’iniciativa e la presa de responsabilitat dels regents. Per aquò far, institucionaliza lo títol de referent d’’accion de formacion continua. D’’unas d’’accions confederalas, las que tòcan los cinc sectors cèrca de l’’Establiment APRENE, an un referent logistic e un responsable pedagogic causit demèst los Paissèls-Ajudaires. Lo CFPO prepausa tanben d’’accions especificas a prepaus d’’objectius causits.

Lo CFPO remembra que l’’autoritat de tutela que finança, lo ministèri d’’Educacion Nacionala, sèrva un drech de contraròtle pedagogic, didactic e financièr, aquò tant de temps coma la lei o prevei.

Lo programa de la formacion continua pels regents per l’annada escolara de 2017-2018

 

Facebooktwittergoogle_plusredditpinterestlinkedinmail