• Français
  • Occitan

Ofèrta d’emplec

Le Centre de Formacion Professionala Occitan, es un organisme de formacion que desvolopa e realiza d’accions de formacion professionala qu’aprèstan als mestièrs qu’utilisan l’occitan.

Lo CFPO recèrca un(a) coordenaire(a) de formacion.

PERFIL DE PÒSTE :

Lo CFPO recèrca un coordenaire o una coordenaira d’accions de formacion professionala capable de s’adaptar a una còla professionala que trabalha en occitan.

Activitats :

Jos l’autoritat de la Presidenta del CFPO e del burèu associatiu, lo candidat o la candidata recrutat :

– trabalharà amb las instàncias associativas del CFPO tot primièr. Costejarà los responsables associatius de la ret CFPO e del movement Calandreta sens quitar de demorar a sa plaça de salariat,

– serà un portaire referent (militant) de la lenga-cultura occitana,

– menarà las accions de formacion amb la còla dels formators,

– assegurarà la mesa en plaça dels mejans pedagogics mièlhs adaptats a cada accion,

– organizarà de dispositius d’avaloracion e de certificacion, quitament en lenga occitana dins l’encastre europèu (CECRL), e participarà a la correccion d’espròvas o d’examèns,

– acompanharà lo percors de qualificacion de la personas encartadas a d’accions de formacion del CFPO,

– deurà concebre de projèctes d’accions de formacion professionalas,

– redigirà de responsas a las ofèrtas de mercats de la Region,

– establirà e cercarà los finançaments necessaris per las accions previstas,

– aprestarà los plans de formacions e las convencions de formacion dels estagiaris,

– se cargarà de far conéisser las accions programadas pel CFPO al prèp de tot public concernit,

– deurà animar una cola pedagogica de formators, salariats del CFPO, vacataris o benevòls,

– portarà sa pèira al planejament de l’activitat de la còla pedagogica, animarà la concepcion d’objectius de formacion, d’objectius pedagogics e donarà l’èime de la formacion,

– cercarà de trobar de mejans pedagogics novèls,

– assegurarà lo seguit pedagogic dels estagiaris, individualament mas tanben per grop compausat,

– contribuirà al bilanç de cada accion de formacion,

– prendrà en carga la promocion de l’ofèrta de formacion del CFPO cap als clients, e als finançaires (OPCA, Collectivitats territorialas, movement de sosten a l’occitan, etc.),

– participarà activament als acamps de la ret dels CFPO,

– seguirà e s’assabentarà de l’informacion legislativa e reglamentària, professionala, tecnica e pedagogica,

– Perfeccionarà lo procèssus d’avaloracion e de certificacion en lenga (CECRL, competéncias claus UE, etalonage e ensag) e menarà, se ne vira, d’estudis per melhorar tala o tala accion,

– trabalharà en ligam amb lo responsable administratiu e financièr del CFPO, amai tanben amb las còlas salariadas dels autres CFPO, d’APRENE o del CFPC,

CONDICIONS :

Luòc del trabalh : Ostal de la Vida Associativa 15 Carrièra General Margueritte – 34500 BESIÈRS

Tipe de contracte : CDD o CDI de 35 h per setmana.

Salari : Segon lo nivèl d’experiéncia dins la formacion professionala, las competéncias avaloradas pendent lo recrutament pel CFPO en lenga-cultura occitana, la formacion de basa e lo quite nivèl de diplòma obtengut, lo contracte de trabalh serà establit dins l’encastre definit per la convencion collectiva dels mestièrs de la formacion (CCN 3249, IDCC 1516) en categoria D2 o E1.

PAUSAR CANDIDATURA :

Mandar un curriculum vitae e una letra de motivacion per corriel a cfpo@cfpoccitan.org

Facebooktwittergoogle_plusredditpinterestlinkedinmail

Daissar un comentari

Vòstra adreça de messatjariá serà pas publicada. Los camps obligatòris son indicats amb *