• Français
  • Occitan

Formacions qualificantas e diplomantas

Lo ret dels CFPO a una esperiéncia de la formacion professionala per los salariats e los demandaires d’emplec dempuèi mai de 20 ans.

Forma los adultes en alternància, entre corses teorics en centre e periòdes de formacion professionala en entrepresa. Trabalhan en partenaria amb las Regions Aquitània, Lengadòc e Rosselhon, e Miègjorn Pirenèus o los OPCA (tal coma OPCALIA, UNIFORMATION…)

Lo còst de las formacions pòt èsser pres en carga :

  • per los salariats : per los OPCA al prèp dels quines las entrepresas cotizan
  • per los demandaires d’emplec (obligatòriament marcats a Pôle Emploi) : per la Region Lengadòc e Rosselhon dins lo limit de plaças disponiblas.

Las formacions qualificantas del ret dels CFPO

Per desvolopar sas competéncias en occitan lengadocian modèrne e se formar a un mestièr :

  • Formacion intensiva a l’occitan modèrne se debana a Tolosa per lo CFPO Miègjorn Pirenèus.
  • Formacion en occitan pels futurs Regents de Calandreta :

La formacion dels futurs ensenhaires dels establiments Calandreta se fa en tres annadas escolaras. La primièra annada es presa en carga pel CFPO de Besièrs. Las doas autras annadas de formacion son presas en carga per l’establiment superior APRENE (per tot complement d’informacion : www.aprene.org).

– Objectius de la formacion ?
S’exprimir correntament en occitan a l’escrich e a l’oral (critèr nivèl B2) ; rendre compte de l’istòria de la lenga, de sa dialectologia, e dels principals traches de la cultura occitana ; mestrejar la dialectologia de la lenga occitana ; conéisser los principis fondamentals de la pedagogia institucionala & de tecnicas FREINET ; conéisser los programas oficials de l’Educacion Nacionala.

– A qui s’adraça aquela formacion ?
A totes los que, titular d’una licéncia, desira de s’orientar cap al mestièr d’ensenhaire en immersion a l’escòla primari o en mairala per permetre a d’enfants de venir bilingües precòç en occitan e en francés.

  • Formacion de formators professionals en lenga-cultura occitana o catalana :

Se debana en 10 meses en alternància entre periòdes de formacion en centre e en entrepresa.

– Objectius de la formacion ?
Menar los estagiaris formators del nivèl de basa Escapolaire-A2 del CECRL, al nivèl CI, conéisser l’istòria de la lenga occitana o de la lenga catalana ; conéisser los diferents traches de la cultura occitana o catalana ; mestrejar l’essencial de la didactica de la lenga e la progression generala destinada als adultes ; conéisser las règlas budgetàrias ; los metòdes d’organizacion e de comunicacion de la formacion pels adultes ; èsser capable de concebre, preparar e animar un dispositiu e una sequéncia de formacion en foncion d’un quasèrn de las cargas definit ; èsser capable de participar a la redaccion d’un quasèrn de las cargas d’accions de formacion en lenga e cultura occitanas o catalanas.

– A qui s’adraça aquela formacion ?
A totas las personas menadas a trasmetre un saber a d’adultes dins l’encastre de lor activitat, e desiran evoluar cap als mestièrs de la formacion a la lenga occitan o catalana.

  • Formacion qualificanta e diplomanta d’Animator(tritz) de Torisme Local (ATL) :

– Objectius de la formacion ?
Organizar l’ofèrta toristica d’un territòri ; participar a la competitivitat numerica d’un territòri ; assegurar la promocion toristica d’un territòri.
– A qui s’adreça aquela formacion ?
Demandaire d’emplec o public en reconversion (CIF)

  • CQP Peri-escolar :

– Objectius de la formacion ?
Contribuir a la qualificacion professionala dels animators(trises) peri e extra-escolars ; acompanhar los estagiaris dins un percor formatiu que lor permet d’identificar lors competéncias aquesidas travèrs lors mesas en situacion d’encadrament e d’animacion de grops d’enfants en mitan linguistic immersiu ; permetre als estagiaris de se confrontar a las competéncias esperadas de la professionalizacion dins un mitan educatiu especific.

– A qui s’adraça aquela formacion ?
Salariats(adas) de las escòlas Calandreta que menan d’activitats d’acuèlh, d’encadrament de grops d’enfants e d’animacion.

  • Tecnician d’Acuèl Toristic opcion Acompanhament :

– Objectius de la formacion ?
Aquesir las coneissenças, competéncias e metòdes de trabalh indispensablas a l’exercici del mestièr de Tecnician d’acuèlh en estructura de torisme e de lésers, en club de vacanças, ostalariá de plen aire, en ofici de torisme, sindicat d’iniciativa…

– A qui s’adreça aquela formacion ?
Demandaire d’emplec qu’ajan validats un diplòma de nivèl V o IV possedissent un bon nivèl de cultura generala, un bon nivèl d’anglés e qu’aja lo projècte professional ligat als mestièrs del torisme, sens del contacte e de la relacion desvolopada, presentacion sonhada e una bona elocucion, mobilitat geografica e disponibilitat e qu’accepta de trabalhar en oraris decalats, dimenjadas e jorns feriats.

escapolaire A2
Facebooktwittergoogle_plusredditpinterestlinkedinmail