• Français
  • Occitan

Formacion en Occitan per Futurs Regents de Calandretas

Parlatz occitan e sentissètz la vocacion d’’ensenhar a de publics enfants ? Vos agrada trabalhar en còla ? Sètz geograficament mobil ? Avètz una licéncia d’’universitat ?
Podètz far de regent en Calandreta, dins la ret de las escòlas immersivas bilingüas occitan-francés … Ajudaretz los « Calandrons » a parlar e escriure en occitan ; portaretz als enfants una cultura de dobertura e del respècte de l’’autre, lor balharetz las coneissenças escolaras de basa gràcia a una progression pedagogica…

Per qual ?
Las personas titularas d’’una licéncia , que practican la lenga occitana e la desiran ensenhar

Una formacion completa en 3 annadas escolaras :

L’’examen de dintrada se sona « La Jurada » : los candidats acceptats a la « Jurada » per una Federacion Regionala de Calandretas venon de « calandrins » e dintran en primièra annada de formacion iniciala de « regent »(ensenhaire).
Lo CFPO pren en carga aquesta primièra annada de formacion de mercé al sosten financièr del Conselh Regional de Lengadòc-Rosselhon. Los « Calandrins » participan a 10 estagis teorics a Besièrs e a 30 setmanas d’’estagis de practicas professionalas enquadradas per un ensenhaire titular.
> Podètz consultar lo siti web de APRENE

Modalitats de recrutament :

  • Aprèp acceptacion d’’un dels prescriptors de la ret AIO de la Region Lengadòc-Rosselhon (prescripcion) , cada candidat serà convidat pel CFPO per un entreten a Besièrs.
  • Pendent aquel entreten, rescontrarà mantun actor del movement Calandreta (Federacion Regionala, establiment APRENE, regents de Calandreta) e tanben lo director pedagogic del centre de formacion.
    Cada candidat(a) parlarà de son projècte professional. La tòca d’’aqueste entreten serà d’’estimar lo gras d’’implicacion de cada candidat dins la lenga occitana e sa capacitat de mesa al trabalh.
  • Al cap de l’entreten, los representants de Calandreta en partenariat amb lo director pedagogic de CFPO decidiràn se lo van convidar per la partida escricha de la « Jurada ».
  • Los candidats que capitan l’’entreten seràn convidats una jornada per de produccions escrichas dins 4 domenis : occitan, reflexion, matematicas, e francés.
    Cada còpia, anonimisada, serà corregida per dos correctors.
    Aqueste dispositiu permet de mesurar mièlhs las capacitats del CFPO a menar los candidats cap a la mesa en òbra de las exigéncias de la Carta de las Calandretas, en classa e dins una escòla, e al nivèl de competéncias demandadas per lo CRPE.
  • La comission de decision publicarà, una setmana mai tard, la tièra dels estagiaris acceptats per la dintrada seguenta.

Pre-requesits per integrar la formacion :

  • Coneissença de la lenga e de la cultura occitanas (oral e escrich – « Diplòma » nivèl Escapolaire-A2 del CECRL apreciat)
  • Coneissenças de basa en burotica indispensablas
  • Capacitat a s’’investir e trabalhar en autonomia
  • Volontat de partejar la lenga e la cultura occitanas

Public tocat :
Demandaire d’’emplec : obligatòriament marcat a Pòl Emplec e orientat per un dels prescriptors de la Region Lengadòc-Rosselhon (CIDFF, Pòl Emplec, Cap Emplec, MLI, APEC, conselhièrs d’’insercion dels Conselhs Generals)

Contengut pedagogic de la formacion :

  • Modul dels aprendissatges primièrs en occitan
  • Modul en cicle dels aprendissatges fondamentals, aprendissatge de la lectura
  • Modul en cicle dels aprigondiments en situacion bilingüa
  • Modul d’’especializacion e d’’avaloracion
  • Modul desvolopament durable
  • Seguit e acompanhament dels estagiaris/Dinamica d’’emplec (TRE/TRS)
  • Modul d’’aprigondiment en lenga occitana (nivèl B1-B2 del CECRL)
  • FOAD

Mena d’emplec e foncion trapat al cap de la formacion
« Regent » (ensenhaire) en delegacion d’’auxiliar dins las escòlas Calandretas, o regent remplaçaire amb la possibilitat d’’èsser titularizat aprèp lo concors del CRPE especial.

Debanament de la formacion:

( ritmes, duradas e finançament)
La formacion en occitan per futurs « Regents » de las Calandretas es una formacion de 10 meses a temps complet. Començarà lo 31 d’’agost de 2017 fins al 29 de junh de 2018.
Fòrça rics en contengut (teorics e practics), conten 637 oras de formacion en centre a Besièrs e 741 oras de formacion en entrepresa dins 3 establiments diferents e dins los 3 cicles de l’’escòla primària.
Aquesta accion de formacion, realizada gràcia al sosten de la Region Lengadòc-Rosselhon es finançada per un efectiu de 10 personas.

Validacion de la formacion : Atestacion de formacion

Futurs Regents de Calandretas
Facebooktwittergoogle_plusredditpinterestlinkedinmail