• Français
  • Occitan

Estagi PARLAR : Tèma Las Ensaladas

DSCF2575Lo CFPO Lengadòc organiza los 13-14-15-16 de mars de 2017 a Besièrs un estagi PARLAR de 4 jorns en immersion.

Aquesta formacion s’adreça a un public començaire de totes atges e a per objectiu la descobèrta e l’aprigondiment de las coneissenças en lenga e cultura occitanas.

Sètz començaire en occitan ?
Aqueste estagi vos permetra de descobrir la lenga occitana. Aqueste estagi pòt èsser la debuta d’una vertadièra formacion a la vista d’aquerir una competéncia en lenga occitana.

Parlatz ja occitan, l’avètz dins l’aureilha ?
I metretz en aplicacion vòstras basas oralas e escrichas en occitan, e descobriretz son istòria, de traches de sa cultura…. Lo tot dins un contexte calorós e convivial mesclan corses teorics e situacions diversas que vos permetran de vos exprimir liurament e de progressar mai rapidament : talhièrs conte, teatre, cosina, descobèrta de la region e de son istòria…

Lo Tèma d’aqueste estagi serà Las Ensaladas : La Chicorèa, Lo reponchon, la roqueta, la bana de cèrvi…. Aqueles mots vos dison res ? Alara es lo moment de vos marcar a notre estagi PARLAR ! Istòria, etimologia, categorias, receptas… Saupretz tot sus las ensaladas salvatjas, en occitan plan segur …

La pedagogia :
Los estagis PARLAR del Centre de Formacion Professionala Occitan de Besièrs son d’estagis de 1, 2, 3, o 4 jorns en immersion totala dins la lenga occitana. Los formators, tant apassionats que passionants, vos faran descobrir en bescairant de talhièrs variats, una pedagogia dinamica e ludica. Cada estagi es estructurat a l’entorn d’un tèma precis e pren en compte los besonhs e espèrs de cadun.
L’auretz comprés, la pedagogia utilizada es de tipe dinamic, interactiu e comunicatiu, estimula l’aprenent, tre lo primièr jorn per s’exprimir en occitan, via las basas gramaticalas aplicadas dins los supòrts divèrses (conversa, trabalhs en grop, jòcs de ròtle….)

Lo programa :
Oraris : 8h30-17h00
Acuèlh de 8h30 a 9h00 a l’entorn d’un café convivial
Alternància de corses, jòcs, talhièrs (manuals, cants, dansas, cosina, talhièrs d’escritura d’un pichòt espectacle…), sortidas culturalas.
Lo repais de miègjorn pòt èsser pres en comun (dins aquel cas de pas doblidar la saqueta).

Las tarifas :
Possibilitat de presa en carga segon lo public (nos consultar).DSCF2570

Per vos marcar o per aver mai d’entresenhas :
Centre de Formacion Professionala Occitan
7, carrièra Franklin – 34500 BESIÈRS
Tel : 04.67.28.75.36
Corrièl : cfpo@cfpoccitan.org
Site internet : http://www.cfpoccitan.org

Facebooktwittergoogle_plusredditpinterestlinkedinmail

Daissar un comentari

Vòstra adreça de messatjariá serà pas publicada. Los camps obligatòris son indicats amb *