• Français
  • Occitan

Estagi PARLAR dels 7, 8 e 9 de febrièr de 2017

Immersion totala en occitan una garantida d’eficacitat !

Lo Centre de Formacion Professionala Occitan de lengadòc prepausèt los 07, 08 e 09 de febrièr de 2017 un estagi PARLAR sul tèma de « L’amor Cortés ». 26 personas i èran presentas.

Mescladís entre corses de lenga, talhièr de visita del patrimòni de la Region, talhièr de dança e autres talhièrs coma lo cant los « Estagis PARLAR » del CFPO Lengadòc an per objectiu l’aprendissatge de la lenga, la descobèrta e l’aprigondiment de las coneissenças en lenga e cultura occitanas.

Per ne saupre mai, anatz agachar una pichona vidèo que foguèt tornada per France 3, l’emission « Lo jornalet ».

Dempuèi mai de 20 ans lo CFPO Lengadòc prepausa de formacions pels començaires e iniciats en lenga e cultura occitanas. Sota forma d’estagis de tres o quatre jorns lo monde se van formar a la lenga nòstra, en immersion linguistica, d’un biais ludic e actiu, dins un encastre agradiu. Cada estagi PARLAR a un tèma particular. Lo que ven serà al mes de març a prepaus de « Las ensaladas salvatjas ».

Lo Programa PARLAR s’amoda demercé lo sosten financièr de la Region Occitania / Pirenèus-Mediterranéa e l’intervencion de la comuna de Montpelhièr.

Facebooktwittergoogle_plusredditpinterestlinkedinmail

Daissar un comentari

Vòstra adreça de messatjariá serà pas publicada. Los camps obligatòris son indicats amb *