• Français
  • Occitan

CQP Animator periescolar

L’’emplec d’Animator periescolar necessita pas d’’abilitacion particulara, pasmens, l’’activitat es gerida per la reglamentacion de l’’Acuèlh Collectiu de Menors d’edat, que s’’assegura notadament que las condicions sanitàrias, materialas e educativas sián respectadas. Aital, dins nòstras escòlas la formacion BAFA sufís pas (lo salariat qu’a aquela foncion pòt pas trabalhar mai de 80 jorns)
Aqueste certificat professional de nivèl V, reconegut per l’’Estat pertòca las personas que trabalhan lo matin, lo miègjorn e lo vespre pendent lo temps periescolar e qu’an pas de qualificacion professionala.

L’emplec d’Animator periescolar : una foncion particulara

L’’animator periescolar interven cap a un public unic, los enfants, siá un public de 3/12 ans, a de moments pròches de las oras d’’escòla, lo matin, la pausa del repais, lo vespre. Anima e organiza de moments pedagogics dins l’’encastre de l’’acuèlh periescolar, dins los espacis disponibles, al ritme dels enfants. Trabalha en relacion amb dos actors privilegiats, los parents e los regents.

De competéncias certificadas :
L’’animator periescolar assegura tres grands actes professionals :

  • L’’acuèlh dels enfants e lors familhas a de moments periescolars,
  • La concepcion de projèctes d’’activitats cap als enfants,
  • La gestion dels moments d’’animacion periescolars, cap als enfants.

Objectius de la formacion :

  • Contribuir a la qualificacion professionala dels (de las ) animators(trises) peri e extra-escolars(aras)
  • Acompanhar los estagiaris dins un percors formatiu que lor permetra d’’identificar las competéncias aquesidas de mercé a las mesas en situacion d’’enquadrament e d’’animacion de grops d’’enfants en mitan linguistic immersiu.
  • Permetre als estagiaris de se confrontar a las competéncias demandadas dins un mitan educatiu especific

Public tocat :

Los salariats de las escòlas Calandretas que menan d’’activitats d’’acuèlh, d’’enquadrament de grops d’’enfants e d’’animacion.

Una formacion en alternància amb quatre domenis de competéncias :

  1. La lenga e la cultura occitanas (nivèl Escapolaire-A2 segon lo CECRL)
  2. L’’acuèlh
  3. La concepcion
  4. L’’animacion periescolara

Programa de la formacion :

  • Del projècte pedagogic de l’’escòla als projèctes d’’activitats : de l’’acuèlh a l’’animacion de grops d’’enfants
  • Trabalhar en còla, e amb de partenaris
  • Comprene e s’’exprimir en lenga occitana segon la progression del CECRL (nivèl demandat A2)
  • S’’implicar dins lo foncionament d’’una estructura associativa particulara : escòla calandreta
  • Concebre un projècte d’’activitats
  • Acompanhament educatiu de l’’enfant
  • Menar de moments d’’acuèlh, d’’enquadrament e d’’animacion cap als enfants
  • S’’iniciar a la pedagogia especifica de Calandreta

Avantatges ligats a la certificacion :

  • Un títol de nivèl V, referenciat al Repertòri Nacional dels Mestièrs
  • La dispensa de doas unitats capitalisablas del BP JEPS LTP (Lésers Totes Publics)

Una formacion modularizada en una annada escolara :

La formacion CQP Periescolar se debana del mes d’’octobre al mes de julh ; la partida en centre se debana fòra temps escolar : pendent las vacanças e los dimècres, en alternància entre lo CEMEA (per la partida professionala) e lo CFPO (per la partida lenga occitana e pedagogia FREINET). Son volum orari es de 434 oras en centre de formacion e de 200 oras de mesa en situacion professionala en escòla.

CQP animator periescolar
Facebooktwittergoogle_plusredditpinterestlinkedinmail