• Français
  • Occitan

Autres servicis

Lo CFPO vos prepausa de servicis de traduccion e d’ajuda per la preparacion als examèns.

Servici traduccion

Tradusissèm de l’occitan cap al francés e inversament per totas las estructuras o entrepresas dins de domenis d’activitat divèrsas talas coma la restauracion, lo torisme e autre encara.

Podèm prene en carga de traduccions francés-occitan e occitan-francés per d’adaptacions localas de sites internet, de documents toristics, de brocaduras, de cartas de restaurant, de menuts…

Esitatz pas de nos contactar per tota demanda de traduccion : estudiarem menimosament vòstre document e vos donarem a gratis un devís per fin de definir amassa un quasèrn de las cargas.

Servici d’ajuda a la preparacion d’examèns

Que siá per vos preparar tot del long de l’annada o a qualques setmanas del Bachelierat, per de revisions de darrièras minutas o per s’entraïnar a prene la paraula eficaçament, per aver de conselhs per lo jorn J de l’espròva de lenga occitana… Lo CFPO vos pòt ajudar e prepausar un acompanhament personalizat per fin d’optimizar vòstras capitadas !


Facebooktwittergoogle_plusredditpinterestlinkedinmail