Nivèl B2
Descriptiu del nivèl B2 dich "Independent"
Pòt comprene lo contengut essencial de subjèctes concrets o abstraches tant dins un tèxt complèxe coma dins una discussion tecnica de son especialitat.
Pòt comunicar amb un aise e una espontaneïtat tals qu’un entreten amb un locutor natiu se faga sens tension, ni per l’un ni per l’autre.
Se pòt exprimir d’un biais clar e detalhat sus un grand panèl de subjèctes, sap bailar son vejaire sus un tèma d’actualitat e expausar tant los avantatges coma los desavènis de las possibilitats divèrsas.
Cossí se debanan las espròvas ?
Compreneson de l’oral
Responsa a de questionaris de compreneson a prepaus de dos documents registrats :
I. Entrevista, bulletin d’informacion, eca... (2mn max) una escota -> 5 ponches. II. Expausat, conferéncia, discors, documentari, emission de ràdio o television (doas escotas) (5 mn max). -> 25 ponches.
Compreneson dels escriches
Responsa a de questionaris de compreneson portant sus dos documents escriches :
I. Tèxt a caractèr informatiu
II. Tèxt argumentatiu
Supòrts :
Un document brèu, informatiu e practic, de la vida vidanta -> 8 ponches.
Un document entre 250 e 500 mots, que pòt caber de tèxt, d’iconografia, d’esquèmas, de tablèus -> 12 ponches.
Produccion escricha
Presa de posicion personala argumentada (contribucion a un debat, letra formala, article critic, eca...) -> 20 ponches.
Produccion orala
Un examinator e dos candidats (modèl de l’examen catalan)
primièra part : cada candidat presenta dos imatges e una question a l’autre candidat, en argumentant, cadun 2 minutas, imatges diferents per cadun (an 1 minuta per aprestar)
seconda part : interaccion 3 minutas
tresena part : questions /responsas 3 minutas
Pendant la primièra e segonda part, l’examinator se contenta de donar la consigna, puèi interven pas
Data de la sesilha : Dissable 18 de junh de 2011.
Una participacion de 20 èuros per candidat es demandada per cobrir los fraisses d’organisacion. De bulletins son disponibles dins los locals de la ret dels CFPO e en cò de lors partenaris.
Data limita d’inscripcion: Divendres 10 de junh de 2011.
Los resultats
Tres setmanas a un mes aprèp l’espròva, cada candidat reçaup lo resultat per corrièr postal. Lo candidat a pas obtengut son "diplòma" : Traparà sus la letra totas las justificacions e los conselhs dels correctors. Aital, se podrà mièlhs preparar per la sesilha venenta. Lo candidat a obtengut son « Diplòma » : es convidat a la remesa del « Diplòma » a la represa de las activitats de la ret dels CFPO.
Las informacions sul siti del CFPO Lengadòc es mesa a dispausicion segon los tèrmes de la licence Creative Commons Paternité-Pas d’Utilisation Commerciale-Pas de Modification 2.0 France. Las autorizacions fòra del camp d’accion d’aquesta licéncia pòdon èsser obtengudas a http://www.cfpoccitan.org/Contact.html.
