• Français
  • Occitan

Corses de lenga en linha

Corses d’occitan en linha (E-learning)

En 2017, lo CFPO MP prepausarà tres accions qualificantas en collaboracion amb lo CFPÒC Aquitània :

– la formacion Escapolaire a la lenga occitana per un public de començaires (FOAD A2)

– la formacion Avançada a la lenga occitana, per un public ja avançat (FOAD B2)

– la formacion Perfeccionament a la lenga occitana, per un public que parla e escriu ja correntament (FOAD C1)

 

Començament de las accions : 7 de genièr de 2017

Dubèrta a cadun, aquestas formacions son prepausadas dins tres dialèctes de l’occitan ; lo lengadocian, lo lemosin e lo gascon. Son objectiu es doble :
–  permetre als estagiaris de se qualificar en lenga occitana (nivèl A2, B2 o C1 del CECRL)
– lor far descobrir un mestièr ligat a la lenga e/o la cultura occitana.

Pel nivèl A2, los estagiaris seguisson 90 oras de formacion per visioconferéncia, conferéncia telefonica e presentacion de documents en linha.

Pel nivèl B2, an tanben 90 oras de formacion, per fin de consolidar e valorizar los aquesits e aital poder aténher lo novèl B1 o lo nivèl B2 del CECRL en fin de percors, segon las competéncias aquesidas.

Pel anar cap nivèl C1, son 130 oras mai de formacion que permeton de perfeccionar sas coneissenças e abordar las subtilitats de la lenga. Aquel nivèl permet d’obténer la capacitat de compreneson dins totes los dialèctes de la lenga occitana.

En mai dels corses setmanièrs (3 oradas de cors + 3 oradas de trabalh personal, las tres accions preveson quatre regropaments dins l’annada e un estagi d’al mens 35 oras dins una estructura emplegaira que l’occitan i es la lenga de trabalh mai correnta.

Sièis meses d’aprendissatge son l’equivalent de doas annadas de corses setmanièrs d’una ora e mièja. Un aprendissatge intensiu que permet una progression rapida e eficaça dins la mestritge de la lenga, e que, per son organizacion coma de corses del ser, daissa als salariats una granda soplesa d’organizacion e permet a cadun de seguir lo cors dirèctament dempuèi son ostal.

Tarifas : Nos consultar

Corses de lenga en occitan per telefòn

Quals objectius ?

Los corses de lenga occitana per telefòn son relativament eficaces per melhorar rapidament sa compreneson e l’expression orala. Çò parièr per l’accentuacion tonica.

Los corses de lenga occitana per telefòn permeton de trabalhar de manièra intensiva sus las tecnicas d’expression e de compreneson orala, es a dire :

  • Aprendissatge sople adaptat a los que son regularament en desplaçament o que trabalhan amb lo telefòn.
  • Permet de véncer las aprensions de l’oral.

Los corses de lenga per telefòn son vertadièrament positius e vos permeton d’èsser fòrça lèu operacional dins vòstre trabalh de mercé a de metòdes pedagogics interactius :

  • Los corses de lenga occitana son concebuts sota forma de discutidas e pòdon respondre ponctualament a una situacion professionala especifica.
  • Exercicis adaptats exclusivament a vòstres besonhs professionals : animacion, teatre, ràdio, ASEM, jornalistas, emplegats administratius,…
  • Jòcs de ròtles nombroses e mesas en situacion professionala : negociar amb un fornisseire, estudis de cas, simulacion d’animacion d’acamps.
  • Espleitacion de l’aprendissatge oral per passar a l’escrich : mandar de corrièls, nòtas, corrièrs administratius, ……….

Corses de lenga en occitan per telefòn : cossí fonciona ?

Los corses de lenga en occitan per telefòn son una formula fòrça sopla per las personas qu’an gaire de temps disponible. Se debanan ont volètz quand volètz : al burèu, en cò vòstre o pendent vòstres desplaçaments.

Los corses de lenga en occitan per telefòn prenon pauc de temps, es a dire una durada de 20 a 30 minutas en mejana.

Ofrisson a l’apreneire la possibilitat de los integrar dins son emplec de temps :

  • Los corses de lenga en occitan per telefòn se resèrvan per Internet fins a 12 oras abans lo cors.
  • Los oraris propausats son de : 7 h a 23 h dins la setmana e la dimenjada.
  • Los corses son flexibles : possibilitat d’anullar un cors qualques oras abans. Ça que la, es important, per mièlhs progressar de manténer una regularitat.
  • Vòstre formator vos sona ont que siatz.

Es pertinent de privilegiar lo calm e de se metre en condicion abans d’endralhar los corses per telefòn. Aquestes demandan una gròssa concentracion car vos poiretz pas ajudar de la gestuala per vos far comprene de vòstre interlocutor.

Qui es concernit pels corses de lenga en occitan per telefòn?

Es necessari d’aver qualques basas fondamentalas per s’acostumar al telefòn e de comprene las instruccions de vòstre formator.

Dins totes los cases, aquesta formula permet de se sentir rapidament d’aise per parlar amb una bona fluiditat a l’oral.

Los autres metòdes d’aprendissatge ?

Los corses de lenga en occitan per telefòn son sovent propausats pels organismes de formacion en lenga coma complement a un autre metòde d’aprendissatge, aital coma :

Preses dels corses de lenga per telefòn

Los corses de lenga en occitan per telefòn son tan cars coma los corses de lenga particulars. Comptatz al minimum 48 € € per una ora de formacion.

Un avantatge pasmens : l’apreneire paga pas las comunicacions telefonicas, es lo formator que fa la sonada.

Vos es tanben possible de vos faire finançar vòstres corses per telefòn pel plan de formacion de vòstra entrepresa o encara d’utilizar lo DIF (Drech Individual a la Formacion).

cours d'occitan en e-learning
Facebooktwittergoogle_plusredditpinterestlinkedinmail