formacions professionalas
Preparacion als mestièrs ligats a la cultura occitana e aprendissatge de l’occitan modèrne
Prepausam una formacion prequalificanta «Preparacion als mestièrs ligats a la cultura occitana e aprendissatge de l’occitan modèrne» d’una durada totala de 945 oras (448 oras en entrepresa).
L’accion, en tot prene en compte las aptituds e los aquesits dels estagiaris, deuriá lor permetre:
de descobrir d’un biais concret los mestièrs que fan apèl a la lenga occitana,
de completar e precisar lor projècte de qualificacion,
d’acquerir de conseissenças en lenga occitana modèrna,
de descobrir de traches de la cultura occitana coma los grands eveniments culturals, lo patrimòni regional.
Ritme
temps plen (35 oras la setmana).
Public
Joves de 16 fins a 25 ans,
Demandaires d’emplec (joves e adults) obligatòriament inscriches a l’ANPE,
Mond que benefícian de las minimas socialas...
Compausada de 15 setmanas en centre e de 13 setmanas en entrepresa, aquela formacion es un trempolin vertadièr cap a l’una de las accions del Programa Regional Qualificant de la Region Lengadòc e Rosselhon o cap a un emplec. En efièch, mantuna associacion occitanista, coma Calandreta, las ràdios occitanas, l’IEO... cèrcan de personas qualificadas e que pòscan parlar e escriure en occitan.
Las informacions sul siti del CFPO Lengadòc es mesa a dispausicion segon los tèrmes de la licence Creative Commons Paternité-Pas d’Utilisation Commerciale-Pas de Modification 2.0 France. Las autorizacions fòra del camp d’accion d’aquesta licéncia pòdon èsser obtengudas a http://www.cfpoccitan.org/Contact.html.