Centre de formacion professionala occitan

Nivèl B1

Descripcion del nivèl B1 del Quadre Europèu de Referéncia per las lengas (dich "sulhet")

Lo candidat
 Pòt comprene los punts essencials quand un lengatge clar e estandard es utilizat e se s’agís de causas familièras dins lo trabalh, a l’escòla, los lésers...
 Se pòt petaçar dins la màger part de las situacions rencontradas en viatge dins una region ont la lenga es parlada.
 Pòt produsir un discors simple e coerent sus de subjèctes familièrs e dins sos domenis d’interès
 Pòt contar un eveniment, una experiéncia o un sòmi, descriure un esper o una tòca e expausar brèvament de rasons o d’explicas per un projècte o una idèa.

Debanament de l’espròva

Natura de l’espròva	durada	nòta sus
Compreneson de l’oral A) escota d’un o dos documents sonòrs (3 minutas maximum). Responsa a de questions barradas. Debanament : lectura de las questions (1 minuta) - escota 1 – temps per respondre (1 minuta) – escota 2 – temps per completar las responsas (2 minutas) B) Seria de registraments cortets. Recuèlh d’informacions (presa de nòta dirigida) – e responsa a de questions barradas (Vertat o Fals) Debanament : lectura de las questions (1 minuta) - escota 1 – temps per respondre (1 minuta) – escota 2 – temps per completar las responsas (1 minuta)	30 minutas	/25
Compreneson de l’escrich Responsa a de questionaris de compreneson que pòrtan sus de documents brèus e un document long. Frasas de completar.	30 minutas	/25
Produccion escricha Redaccion de diferentas menas de documents (letra, anóncia, messatge, ensag, article de jornal...) en respectant de consignas de longor e de contengut.(150 a 200 mots).	45 minutas	/25
Produccion orala A) Jòc de ròtle (5 minutas) B) Expression d’un punt de vista sus una tematica prepausada. (8 minutas)	15 minutas de preparacion 15 minutas d’espròva	/25

 NOTACION GLOBALA oral : 50/100
 NOTACION GLOBALA escrich : 50/100 Los candidats an d’obténer al mens 10/25 a cada de la quatre espròvas e una nòta totala d’al mens 50 ponches per obténer la certificacion.

Exemple de subjècte

Subjècte 2011 lengadocian Document PDF - 138.3 Ko partidas compreneson orala e escricha, produccion escricha			Subjècte 2011 lengadocian oral Document opendocument text - 25.3 Ko partida produccion orala
compreneson de l’oral exercici 1 Document MP3 - 2.2 Mo dialòg long
compreneson de l’oral exercici 2 Document Ogg - 615.1 Ko document cort 1	compreneson de l’oral exercici 2 Document Ogg - 668.7 Ko document cort 2	compreneson de l’oral exercici 1 Document MP3 - 1.8 Mo document cort 3	compreneson de l’oral exercici 2 Document Ogg - 1.3 Mo document cort 4

Tarifas e inscripcion

La tarifa d’inscripcion a l’examèn B1 es de 20 €.

Per s’inscriure a la sesilha que ven o per tota demanda d’informacions, nos podètz escriura via lo formulari de contacte

Datas e luòcs

La remesa de diplòmas de la sesilha 2012 se tendrà al CIRDÒC lo 29 de setembre a 18h.

Lo calendièr de la sesilha 2013 serà en linha d’aicí gaire.