Lo «Programa PARLAR»
Los Setmanièrs
Un cors d’una ora e mièja a rason d’un o dos còps la setmana... per un aprendissatge regular long de l’annada tota...
Desiratz de parlar occitan? Aprene de lo legir e de l’escriure? Discutir e escambiar en lenga? L’aprene per ajudar vòstres mainatges escolarizats en Calandreta? Nasquèretz dins lo miègjorn e desiratz d’aprigondir vòstra cultura d’origina? Aimariatz d’anar descobrir de traches de la cultura de la vòstra region?
Los "Setmanièrs" son faches per vos!
Los estagis PARLAR
Una formacion a la lenga e a la cultura occitanas, una progression vertadièra per començar amb l’occitan o s’i tornar metre. Un autre biais d’aprene l’occitan. En mai dels corses tradicionals, lo CFPO vos prepausa una granda diversitat de talhièrs: danças, cants, contes... Tot aquò en convivialitat e al ritme de cadun.
Un tèma diferent es tractat a cada estagi: "Los aucèls", "La prima", "Carnaval", "L’Aventura" o "Lenga e Vin"... caduna e cadun i traparà son bonaür long de l’annada (los tèmas càmbian cada annada)
"Estagis de nivèl començaire": ": 11 "estagis PARLAR" de 3 o 4 jorns (de la mitat del mes de setembre a la mitat del mes de julh tanben pendent las vacanças escolaras), per aprene l’occitan e se preparar al "Diplòma d’Escapolaire".
"Estagis de nivèl avançat" : 6 "estagis PARLAR" de 3 jorns (de la fin del mes d’octòbre a la fin del mes de junh) per melhorar son nivèl de lenga e aprigondir sas coneissenças.