Escapolaire A2
Lo "Diplòma d’Escapolaire" correspond al nivèl A2 definit per l’Encastre Europeu Comun de Referéncia per las lengas adoptat pel conselh de l’Euròpa en 2000.
Permetrà d’avalorar lo saber en lenga occitana al cap d’una annada de formacion. Lo CFPO aconselha als estagiaris de seguir 5 o 6 estagis o 3 trimèstres de "Setmanièrs" abans de l’ensajar.
Lo CFPO a creat lo «Diplòma d’Escapolaire» en junh de 2002. Dempuèi, 196 candidats l’an ensajat (158 adultes e 38 mainatges). En 8 sesilhas, 156 candidats an capitat. 56 amb «òsca!». Dempuèi junh de 2005, l’associacion Galineta de Montalban se tracha de far passar aquel diplòma en Miègjorn Pirenèus.
L’associacion CFP ÒC sòcia de la ret dels Centres de Formacion Occitans, a creat en 2007 una version gascona del «Diplòma d’Escapolaire».
Data de la sesilha que ven
12 de junh de 2010.
Diplòma de lenga Occitana «Examen d’Escapolaire» - A2
Debanament de la sesilha: Durada globala: maximum 1h50
Compreneson de l’oral Espròva comuna en doas partidas:
A) Escota d’un o dos documents sonòrs (tres minutas maximum) Debanament de l’espròva: Lectura de las questions (1 minuta) - escota 1 – temps per respondre: una minuta – escota 2 – temps per completar las responsas de doas minutas. Responsa a de questions barradas (vertat/fals o QCM)
B) Seria de registraments cortets. Debanament de l’espròva: Lectura de las questions )una minuta) - escota 1 – temps per respondre d’una minuta – escota 2 – temps per completar las responsas d’una minuta recuèlh d’informacions precisas (presa de nòta dirigida) e responsa a de questions barradas (vertat o fals).
Durada maximala de l’espròva: 30 minutas
Compreneson escricha Responsa a de questionaris de compreneson que pòrtan sus 3 o 4 documents.
Durada maximala de l’espròva: 30 minutas
Produccion escricha Espròva comuna compausada d’un sol exercici: redaccion d’una letra personala dins la quala se fa referéncia als quatre ponches indicats dins la consigna (100 mots).
Durada maximala de l’espròva: 30 minutas
Produccion orala Espròva individuala en tres partidas.
A) Entreten amb l’examinator : lo candidat se presenta, parla d’el. Durada de l’espròva: 2 minutas.
B) Monològ seguit : a partir d’una question pertocant un tèma de la vida vidanta sus la quala lo candidat deu parlar en seguida. Durada espròva : 2 minutas
C) Interaccion : Simulacion d’una situacion quotidiana amb l’examinator. Doas situacions prepausadas lo candidat ne deu causir una. Situacions: resolucion d’una situacion quotidiana o exercici de cooperacion. Dos examinators presents: un que fa passar l’examen, un qu’obsèrva. Espròva registrada. Durada espròva : 5 minutas. Durada maximala de l’espròva: 20 minutas – 10 minutas de preparacion e 10 minutas d’espròva.
Las informacions sul siti del CFPO Lengadòc es mesa a dispausicion segon los tèrmes de la licence Creative Commons Paternité-Pas d’Utilisation Commerciale-Pas de Modification 2.0 France. Las autorizacions fòra del camp d’accion d’aquesta licéncia pòdon èsser obtengudas a http://www.cfpoccitan.org/Contact.html.
