Traparetz dins aquel espaci, de responsas a las questions las mai frequentament pausadas.
Plan segur se trapètz pas çò que cercatz, contactatz nos: cfpo@cfpoccitan.org o al
04 67 28 75 36 (burèu de Besièrs)
04 67 69 28 67 (Talhièr PARLAR - Espaci Jaume 1èr d’Aragon - Ostal d’Occitània a Montpelhièr).
L’occitan oral escrich: Far venir cada estagiari al nivèl de competéncias B2 en occitan
La cultura occitana: Danças e cants tradicionals, etnobotanica, conte, gastronomia...
La metodologia: Antropogogia e didactica de la lenga, administracion, logistica e aspèctes budgetaris dels corses e dels estagis, informatica.
L’examen es compausat de:
Tres avaloracions de las practicas professionalas ont cada formator es filmat pendent sas intervencions alprèp dels estagiaris. Lo nivèl de lenga, los documents porgits als estagiaris en formacion (qualitat e contengut dels documents rapòrt al nivèl del grop en formacion), lo biais amb qual lo formator en formacion fa participar lo grop e cada persona individualament e per acabar la coëréncia entre l’objectiu e lo debanament de la sesilha filmada seràn avalorats.
Cinq avaloracions teroricas: didactica, informatica, occitan (oral e escrich), cultura generala e antropogogia.
En cas d’escac a l’una de las matèrias eliminatòrias, practicas professionalas, occitan oral e cultura generala (valent a dire aver una nòta inferiora a la mejana), l’estagiari se pòt tornar presentar l’annada seguenta (sens fraises en mai).
L’aprendissatge de l’occitan es en plen espandiment. Mantuna associacion (talas que las Calandretas, l’IEO, la ret dels Centres de Formacion Professionala Occitan...) cercan cada annada de professionals capables de formar d’estagiaris a la lenga e a la cultura occitanas.
En mai, las collectivitats localas o territorialas talas que las aglomeracions, los païses, las comunas, los pargues naturals regionals... recercan de cargats de mission lenga e cultura occitanas competents e vòlon de mai en mai formar lors salariats a la lenga occitana.
En mai, lo formator pòt trabalhar coma trabalhador independent.
Al CFPO totes los programs d’estudis se debanan en occitan (sens jamai passar pel francés). Los candidats en formacion de formators devon aver una coneissença fonctionala d’aquela lenga valent a dire que devon poder seguir los corses en occitan, pausar lors questions als intervenents dins aquela lenga, et respondre a las questions dels intervenents en occitan. En mai d’aquò seràn en immersion 7 oras per jorns.
Abans l’inscripcion d’un estagiaris en formacion de formators lo CFPO avalora las competéncias lengatjièras e de compreneson de la lenga pendent un entreten.
Non, aquela formacion es pas a l’ora d’ara reconeguda per l’Estat, per contre dempuèi l’an de 2000, la Region Lengadòc e Rosselhon la reconeis vist que fa part de son dispositiu al titòl del Programa Regional Qualificant.
Per obténer vòstre C.I.F., vos cal prene directament contacte amb la direccion de vòstra entrepresa al mens cinc meses abans l’intrada en formacion. Podretz beneficiar del comjat levat se vòstre emplegaire pensa que vòstra abséncia poiriá aver de consequéncias maridas per l’entrepresa.
L’emplegaire deu bailar sa responsa dins los 30 jorns que seguisson la recepcion de la demanda. Responsa que pòt èsser, un acòrdi, un reget o un repòrt.
Aprèp l’acòrdi de vòstre emplegaire, devètz faire vòstra demanda de dorsièr a l’Organisme Paritàri colector de la formacion Professionala alprèp del qual vòstra entrepresa cotisa (traparetz las informacions sus vòstre bulletin de paga). Es important de saupre que lo qual faire al mens quatre meses (120 jorns) abans la debuta de vòstra formacion, per èsser dins los tempses.
Tre recepcion del dorsièr, vos demandam de plan voler far completar vòstre dorsièr pel CFPO e per vòstre emplegaire que vos a ja bailat son acòrdi d’abséncia sus papièr liure. Verificatz plan que totas las rubricas del dorsièr sián plan emplenadas e que sètz d’acòrdi amb las informacions fornidas per vòstre emplegaire, amb las datas d’autorizacion d’abséncia e los elements relatius a vòstra formacion.
Per acabar, mandatz vòstre dorsièr complet al mai tard tres meses (90 jorns) abans la debuta de la formacion acompanhat de la còpia de vòstras 12 darrièras fichas de paga, del programa de la formacion causida, de vòstre C.V..
La comission paritària examinarà puèi vòstre dorsièr e vos bailarà son acòrdi o las rasons del reget de vòstre dorsièr.
I a pas cap de limit d’atge. Pasmens, per seguir una formacion dins l’encastre del programa Regional Qualificant cal que lo candidat siá sortit del sistèma escolar dempuèi mai de 6 meses.
Non, se sètz salariat avètz la possibilitat de seguir la formacion de formators professionals dins l’encastre del dispositu C.I.F. (Comjat Individual de Formacion). Nos contactar per mai d’entressenhas o per conéisser los procediments de seguir.
Plan segur. Sèm un organisme de formacion professionala agregat coma tal per la DRTEFP jol n°OF-913 402 753 34. De condicions son de respectar (nos consultar).
Òc. Sus simpla demanda de la vòstra part al secretariat administratiu del CFPO, recebretz, en cors o en fin de formacion («Estagis Parlar» ou «Setmanièrs»), una attestacion de participacion que confirma vòstra preséncia.
Las formacions del «Programa PARLAR» del CFPO s’adreçant a tota persona majora que desira de se formar personalament o per de rasons professionalas a la lenga e a la cultura occitanas. I a donc pas d’atge maximum legal mas una atge minimum de 18 ans en dejós del qual podèm pas prene las personas en formacion.
Non, parlar la lenga es pas necessari, al contrari. A cada sesilha, un dels formators dels CFPO tòrna prene las basas basicas de la gramatica, de la conjugason... amb un grop pichòt d’estagiaris començaires pr’amor que cada estagiari progresse al mièlhs en occitan.
Nòstre cursus de formacion es elaborat de tal biais que cadun pòsca començar la formacion long de l’annada quitament se parlatz o comprenètz pas brica la lenga. Demercé nòstra formacion modulària, los estagiaris despartits en grops pichòts segon lor nivèl progressan a lor ritme e dins un atmòsfer convivial.
Non, podètz vos presentar a las espròvas pel «Diplòma d’Escapolaire» quora volètz. Vos conselham de seguir tres trimèstre ça que la, vos aconselham de seguir tres trimèstres de «Setmanièrs» o 5 a 6 «Estagis PARLAR» abans de l’ensajar.
Ges de problèma. Las doas formacions son complementàrias. Podretz a tot moment long de l’annada venir seguir un «Estagi PARLAR» en contunhar vòstra formacion sota la forma de corses setmanièrs. En mai, per cada «Estagi PARLAR» e en foncion del nivèl de cada persona del grop en formacion ensajam d’organizar de jos-grops de nivèl pendent lors corses per que cadun pòsca progressar a son ritme.
Sètz a la cerca d’un emplec e marcat a l’ANPE:
Vos demandam de plan voler prene rendètz-vos a l’Agéncia Locala per l’Emplec (s’avètz mai de 26 ans) o amb la Mission Locala d’Insercion (s’avètz mens de 26 ans). Presentatz vòstre projècte de formacion a un conselhèr e fasètz lo validar. Aprèp lo CFPO vos encontrarà per verificar vòstras motivacions al subjècte de la formacion que desiratz d’entreprene. Se vòstre projècte de formacion es estat validat per l’ANPE lo CFPO vos tornarà contactar pr’amor de vos dire se vòstra candidatura es estat retenguda o pas.
Sètz salariat:
Contactatz lo CFPO per convenir d’un entreten. A la fin d’aquel entreten, lo CFPO vos dirà se vòstre projècte e vòstre nivèl de lenga son adeqüacion amb la formacion que desiratz d’entreprene.
Òc, vos cal pasmens aver 18 ans se desiratz d’entreprene una formacion a la lenga sota la forma «d’Estagis PARLAR» o de «Setmanièrs». Pels minors de 15 a 17 ans plan comptats, una demanda escricha al conselh d’administracion acompanhada d’una autorizacion dels parents son indipensablas.
Lo Conselh d’Administracion pòt balhar son acòrdi o refusar vòstra demanda. Una responsa escricha vos serà mandada a vòstre domicili.
Per las formacions qualificantas o prequalificantas, devètz aver mai de 16 ans e aver validat vòstre projècte alprèp de la MLI o de la PAIO.
Ges de problèma, nòstras formacions a la lenga engloban tanben la formacion del public iniciat o avançat. D’estagis de 3 jorns se debanan 6 a 8 còps per an.
Las espròvas del «Diplòma d’Escapolaire» se debanan en una jornada e en dos tempses. Dins un temps primièr s’agís d’un examen escrich sus fuèlh puèi un examen oral filmat per una camèra vidèo. Los formators que partricipan a l’oral son pas los examinators/correctors de l’espròva.
Detalhs de las espròvas
Diplòma Escapolaire A2
L’examen se debana en 2 moments : Las espròvas comunas (totes los candidats amassa dins una sala) concernisson :
La compreneson orala (0h20) : respondre als questionaris de compreneson a l’escota de documents brèus enregistrats que tòcan a la vida vidanta.
Las compreneson escricha (0h30) : respondre als questionaris de compreneson sus documents brèus escriches que tòcan a la vida de cada jorn ;
L’expression escricha (0h40) : redigir una produccion (letra amistosa, messatge…) de descripcion d’un eveniment o d’experiéncias personalas, d’invitacion, de mercejaments, de desencusas, d’informacion…
L’espròva individuala concernís la produccion orala (0h10 mn de preparacion) :
Un entretien dirigit
Un monològ
Un dialòg simulat
L’espròva individuala qu’es organizada segon un òrdre de passatge definit a l’avança e que pòt pas èsser cambiat. Cada candidat passa sol cap a un duò d’examinators es enregistrat per la correccion.
"Diplòma B2"
L’examen se debana en dos moments : Las espròvas comunas (totes los candidats amassa en una mema sala) concernisson :
La compreneson orala (0h30) : respondre als questionaris de compreneson a l’escota de documents enregistrats (dialòg brèu informatiu, argumentari long),
La compreneson escricha (0h45) : respondre als questionaris de compreneson sus dos documents (tèxt a caractèr informatiu, tèxte argumentatiu),
L’expression escricha (1h00) : redigir una produccion pertocant una presa de posicion personala argumentada (contribucion a un debat, letra formala, article critic…)
L’espròva individuala concernís la produccion orala (0h15 amb 10 mn de preparacion) consistís a presentar un punt de vista a partir d’un document brac.
L’espròva individuala es organizada segon un òrdre de passatge definit a l’avança e pòt pas èsser cambiat. Los candidats passan dos per dos cap a un duò d’examinators. L’espròva es enregistrada
04 67 28 75 36 (burèu de Besièrs)
Quales son los moduls en formacion de formators?