Los «Estagis PARLAR» nivèl començaire
Los «Estagis PARLAR» nivèl començaire
Aquela formacion s’adreiça a un public començaire larg (levat enfants e jovents) e a per objectiu la descobèrta e l’aprigondiment de las coneissenças en lenga e cultura occitanas.
I aprendretz las basas oralas e escrichas de l’occitan, son istòria, de traches de sa cultura... lo tot dins un contèxt calorós e convivial mesclant corses teorics e situacions divèrsas que vos permetràn de vos exprimir sens contrenchas e de progressar mai aisidament: talhièrs de contes, teatre, cosina, descobèrta de la region e de son istòria...
Pendent los estagis PARLAR, cada jorn lo grop tot manja amassa al Fogal dels Joves Trabalhadors. Aquel moment fa part entièra de la formacion.
Lo CFPO en partenariat amb lo Fogal dels Joves Trabalhadors, pòt prepausar un albergament (amb un preavís de 8 jorns) al mond alonhat (nos contactar).
Los estagis que venon
Aquesta color indica que l'estagi se debana pendent las vacanças escolaras.Los estagis : Tarifas reduchas
Lo CFPO prepausa de tarifas preferencialas pels grops e lo personal de las associacions assegurant la promocion de la lenga e de la cultura occitanas.
Possibilitat de tarifa reducha segon la situacion de cadun (Rmistas, demandaires d’emplec inscriches a l’ANPE, parents isolats, retirats) amb presentacion de las pèças justificativas.