Las formacions qualificantas e pre-qualificantas del CFPO
Forma d’adults en alternància entre corses teorics en centre e periòdes de formacion professionala en entrepresa en partenariat amb la Region Lengadòc e Rosselhon o los OPCA (OPACIF, UNIFORMATION, OPCAREG...).
Lo còst de la formacion, se pòt finançar per:
Los OPCA ont las entrepresas cotisan pels salariats.
Lo Conselh Regional Lengadòc e Rosselhon, dins lo limit de las plaças
Las formacions qualificantas del CFPO
Son aquí per desvolopar de competéncias en occitan lengadocian modèrne e formar mond a un mestièr.
Primièra annada de formacion dels Regents de las Calandretas
Intitulat de l’accion: «Formacion a la lenga pels futurs Regents de las Calandretas» La formacion dels futurs Regents de las Calandretas se debana en tres annadas escolaras. La primièra annada de formacion es presa en carga pel CFPO. Las doas autras son amagestradas per l’Establiment d’Ensenhament Superior Occitan APRENE (per mai d’entresenhas)
- Objectius de la formacion? Far venir cada calandrin al nivèl de competéncia B2+ en occitan. Li far practicar la pedagogia de Calandreta en classa. A qual s’adreça la formacion aquela? S’adreça a cada persona qu’a una licéncia de l’Universitat e que desira de s’orientar cap al mestièr de l’ensenhament als mainatges en occitan.
«Formacion de formators professionals en lenga e cultura occitanas modèrnas»:
- Objectius de la formacion? Far venir cada estagiari al nivèl de competéncia B2 en occitan. Lo far venir biaissut en antropogogia (pedagogia pels adults).
- A qual s’adreça la formacion? A cada persona que parla ja la lenga e que la vòl transmetre als autres dins l’encastre de lor activitat e que vòlon formar d’adults.
La formacion pre-qualificanta del CFPO
Per descobrir los mestièrs ligats a la cultura occitana e aver las basas de l’occitan lengadocian modèrne.
«Preparacion als mestièrs ligats a la cultura occitana e aprendissatge de l’occitan modèrne»
- Objectius de la formacion? L’objectiu general d’aquela accion es de permetre al mond de construire un percors d’accès a l’emplec e/o a la formacion, en fasa amb lo sieu perfil personal e en coeréncia amb lo contèxt economic regional.
- A qual s’adreça la formacion? A cada demandaire d’emplec que desira de conéisser los mestièrs ont la lenga occitana senhoreja (o es presenta), aprene l’occitan e descobrir de traches de la lenga e de la cultura occitana.
Las informacions sul siti del CFPO Lengadòc es mesa a dispausicion segon los tèrmes de la licence Creative Commons Paternité-Pas d’Utilisation Commerciale-Pas de Modification 2.0 France. Las autorizacions fòra del camp d’accion d’aquesta licéncia pòdon èsser obtengudas a http://www.cfpoccitan.org/Contact.html.
